iwant2know

المنتدى الرسمي لمدرسة الشمس المشرقه
 
الرئيسيةمكتبة الصوراليوميةس .و .جبحـثالتسجيلقائمة الاعضاءالمجموعاتدخول

شاطر | 
 

 حتة موقف!!!!!!!!!!!! لو مكاني تتصرف ازاي؟؟؟؟؟؟؟؟؟؟؟ حلقات مت

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
leave me alone
Princes
Princes


انثى عدد الرسائل : 1639
العمر : 23
المزاج : مجنووون
اعلام الدول :
المهنه :
المزاج :
هواية العضو :
تاريخ التسجيل : 16/11/2007

مُساهمةموضوع: حتة موقف!!!!!!!!!!!! لو مكاني تتصرف ازاي؟؟؟؟؟؟؟؟؟؟؟ حلقات مت   الأحد فبراير 10, 2008 4:50 pm

سلسلة حلقاتي مع وسائل المواصلات
السلام عليكم
في يوم من ذات الايام الصيفية الجميلة المشمسة
كان تحديدا في شهر 8 يوم جمعة الساعة 10.10 صباحا
كان عندي ميعاد في الجم الساعة 10 و كنت نازلة من البيت الساعة 10 الا ربع و عشان الحق ميعادي ركبت تاكسي
على الرغم من خوفي الشديد من ركوب التاكسيات لأنني لا اثق في السواقين وسوسة بقى تقولوا ايه مع ان كل اللي شوفتهم في منتهى الاحترام لكن الواحد من كتر اللي بيسمعه بقى بيخاف من خياله
المهم دا مش موضوعنا
موضوعنا اني وقفت تاكسي كان كسيح و سواقه عجوز كلشان يسمع اسم المكان اللي انا ريحاه تتطلب الامر اني اعيد الكلمة 3 مرات
المهم قلت ما علينا مقدميش غيره و البنية اللي انا لطعاها في الشارع دي لو اتأخرت عليها هتدبحني المهم ركبت
حاسة ان التاكسي ريحته غريبة سمك او ظفارة حاجة زي كدة المهم قلت انا مالي دلوقتي انزل و ارتاح
لكن عمو مكنش بس سمعه على قده دي سواقته كمان على قدها كان ماشي تاتة تاتة يعني لو كنت خدتها مشي كان زماني وصلت المهم قلت ما علينا
حبة كمان كدة و حسيت اني مبلولة أي نعم كنت مستحمية قبل ما انزل لكن مش للدرجادي قلت ما بدهاش ببص على الكنبة تحتي
لقيتلكم الكنبة غرقانة مية و انا هدومي بقى ينفع تعصرها من كتر البلل و طبعاانا محستش بالماية الا بعد ما البلل تغلغل الي بعد مروره بكومة الهلاهيل اللي انا لبساها
فطبعا اول حاجة عملتها اني بصيت على بقيت الكنبة لإتها ناشفة امت مغيرة مكاني قبل ما اتغرق اكتر من كدة و ذهني فضل يودي و يجيب ريحة وحشة و مية على الكنبة غرقت هدومي و انا لسة مستحمية طيب يا رب دي مية سمك ولا عيل عمل على نفسه ولا الراجل اللي عايش في الضياع ده كان عند المشحمة و نسي يقفل الازاز و هما بيغسلوا العربية
كل اللي حصل و انا مش عارفة اعمل ايه و كنت هولع في الراجل و التاكسي المهم وصلنا للمكان اللي هنزل فيه قلت بقى اما اسأله دي مية ايه دي و يا ريتني ما سألت بصلي و هو اصلا مش سامع نفسه و سألته برضه 3 مرات و هو باصصلي بإبتسامة مستفزة و مسمعش برضه فبصيت من الشباك كدة لقيتلكم شلة ولاد شكلهم ميسرش قاعدين على سلم محل في الناحية التانية من الشارع
فكرت بسرعة طيب يا ربي انا هعمل ايه في الواقعة الهباب دي انا هدومي مبلولة و نزلة في مكان استراتيجي اعمل ايه المهم حسمت امري و قلت مدام وصلت لازم انزل و دفعت لعمو الامور الاجرة و نزلت
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
leave me alone
Princes
Princes


انثى عدد الرسائل : 1639
العمر : 23
المزاج : مجنووون
اعلام الدول :
المهنه :
المزاج :
هواية العضو :
تاريخ التسجيل : 16/11/2007

مُساهمةموضوع: رد: حتة موقف!!!!!!!!!!!! لو مكاني تتصرف ازاي؟؟؟؟؟؟؟؟؟؟؟ حلقات مت   الأحد فبراير 10, 2008 4:54 pm

طيب يا ربي انا هعمل ايه في الواقعة الهباب دي انا هدومي مبلولة و نزلة في مكان استراتيجي اعمل ايه المهم حسمت امري و قلت مدام وصلت لازم انزل و دفعت لعمو الامور الاجرة و نزلت
و انا عمالة ادعي الدعوة اللي عمرها ما اتردت معايا ابدا
( يا رب استر)
و نزلت بصيت يمين و شمال بسرعة ... قال يعني كدة لحقت اشوف اذا كانت البنية واقفة ولا لأ
و دخلت الاستاد جريييييييييييي و سبحان الله و الحمد لله ان الحرس مفكرش يغتت عليا و يقولي فين الكرنيه
او بمعنى اصح مش معقول واحدة هتقوم من النوم بدري و تركب تاكسي و تشيل شانطة على ظهرها بس علشان تغتت على خلق الله اكيد يعني عندي حاجة رايحة علشانها ايا كان اللي خلاه ميغتتش فالحمد لله لأن شلة الانس مخدتش بالها مني
تنفست الصعداء و دخلت و عمالة افكر يا رب ما اقابلش حد خالص و يكون النادي فاااااااضيييييييي
هو يعني مكنش فاضي و كان في بعض الناس القلائل ماشيين لكن الحمد لله محدش فتح بقه
و طبعا اخترت الطريق المشمس للوصول للجم علشان انشف قبل ما اوصل مش منظر يعني ادخلهم بيه
لكن كنت عمالة افكر يا ربي هي رحتي بقت وحشة؟؟؟؟؟؟؟ انا مش شامة حاجة بس مين عارف يمكن اكون مش حاسة
طيب لو هدومي ملحقتش تنشف هقولهم ايه لسة هحكي من البداية؟؟؟؟؟؟؟؟
طيب البنية الغلبانة دي كانت لسة واقفة ولا لسة مجتش ولا جت و استنت و زهقت و دخلت من غيري
آاااااااااااااااه الندلة دخلت من غيري و انا كنت في امس الحاجة انها تكون معايا بدل ما اتبهدل لوحدي
و مع كل الافكار دي كنت و لله الحمد وصلت لقاعة الجم من غير محس بالمسافة
لكن فين البنية ؟؟؟؟؟؟؟؟؟
آااااه الندلة اكيد لحقت الفترة الاولى ما انا وصلة بعدها ب 10 دقايق و هطر استنا الفترة اللي بعدها و اروح و الناس في الصلى و طبعا مش هلاقي مواصلات و هروح مشي و انا جسمي مدغدغ آااااه بس لما تطلع و انا هوريها
هتسألوني طيب و هدومك هقولكم الحمد لله الشمس نشفتها و سيحت نفوخي
و خرجت برة القاعة علشان بقية طبقات ملابسي تنشف في الشمس الحارقة لأن اللي نشف كان العباية الخارجية بس
حبة و زهقت و دخلت
قعدت و لهول الصدمة تنحت ..........................
البنية مقبلة عليا من الخارج و عينيها بطق شراااااااااااااااار و شكلها هتموتني
و طبعا مش محتاجة افضح نفسي اكتر من كدة و اقولكم قالتلي ايه من كلمتها المنتقاة و من امثلتها
انا واقفة مستنياكي عند البوابة يجي نص ساعة من الساعة 10 و مشفتش وشك انتي اكيد استندلتي و دخلتي من البوابة التانية
طيب انتي جاية من امتى
دا كان في شوية عيال تنحة قاعدين قدام البوابة و انا مكنتش عارفة اعمل ايه و فضلت واقفة علشان خاطرك تقومي داخلة و تسيبيني؟؟؟؟؟؟؟؟؟
طبعا الكلام ده و غيرووووووووووو و الامة لله مكنتش لحقة ترد بولا كلمة الا لما الاخت الثائرة خلصت كل الموشح الجميل بتاعها
فرديت عليها بكل برود و غلاسة
انتي اكيد بتهزري انا استنيتك فعلا (قال يعني ال30 ثانية اللي انا وقفتهم دول يعتبروا انتظار)
اكيد انتي اللي جيتي متأخرة دا انا كنت فكراكي دخلتي و سبتيني يا ندلة ما انا عرفاكي تعمليها و تبعيني في ثانية

و قلبت الموقف ضدها في ثواني لحد ما بقت هي اللي بتدافع عن نفسها
و اتضح في النهاية انها كانت واقفة عند حوض الزهور و انا واقفة وراها الناحية التانية و كل واحدة واقفة مش شايفة التانية

و الحمد لله موقف من المواقف عدى لكن البقية تأتي
سلام مؤقت في الموقف القادم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
rony
Queen
Queen


انثى عدد الرسائل : 1715
العمر : 22
المزاج : تمام التمام
تاريخ التسجيل : 14/11/2007

مُساهمةموضوع: رد: حتة موقف!!!!!!!!!!!! لو مكاني تتصرف ازاي؟؟؟؟؟؟؟؟؟؟؟ حلقات مت   الإثنين فبراير 11, 2008 8:47 pm

هههههههههههههههههههههههههههههههههههههههههههههههههههههههههههههههههههههههههههههههههههههه

حلوووووو اووووووووووى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://iwant2know.my-goo.net
leave me alone
Princes
Princes


انثى عدد الرسائل : 1639
العمر : 23
المزاج : مجنووون
اعلام الدول :
المهنه :
المزاج :
هواية العضو :
تاريخ التسجيل : 16/11/2007

مُساهمةموضوع: رد: حتة موقف!!!!!!!!!!!! لو مكاني تتصرف ازاي؟؟؟؟؟؟؟؟؟؟؟ حلقات مت   الإثنين فبراير 11, 2008 8:54 pm

منوره ياقمر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حتة موقف!!!!!!!!!!!! لو مكاني تتصرف ازاي؟؟؟؟؟؟؟؟؟؟؟ حلقات مت
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
iwant2know :: الأقسام الترفيهيه :: دا مكان للضحك وبس-
انتقل الى: